بينما و أنا منبطح (و تعني منسدح و في روايه متمدد ) في غرفتي العزيزه
في ذلك الصباح السعيد وألا بجدتي رحمه (رحمه أسم مشهور عندنا في الرياض هههه )
تناديني بأعلى الصوت و أجيبها لبيك يا جدتي >> هههههه الزير أنت ووجهك
فأمتطيت جوادي و أسرعت لها منطلق (وتعني داعس و في روايه طاير )
وعندما وصلت لها قلت لها ماذا تريدين يا جدتي قالت لي يا ولد العزيز بغيت (وتعني أريد ) السوق
فقلت لها أبشري يا جدتي و قالت لي تسلم يا ولدي >> يذكرني بكتاب القراءه حق الإبتدائيه و قالت و قال ههههه............
فبعد ذلك ببره >> زود الثقافه دارسه لغه عربيه
ذهبت لأستدرع الثوب (أستدرع : وتعني ألتباس الدرع و هي كنايه على لبس الثوب >>لا مثقف يا الحونشي )
و الكل العاده نزلت السياره قبل جدتي بربع ساعه ؟؟ أتحداكم تعرفوا ليش والله أتحدى أحد يعرف ؟؟
فكر يا حلوووو
بللله فكر
شوي
أنحرقت و أرتفح ضغطك طيب أنا أروح بدري أول شئ أمر على البنشري و أخذ علبة زيت كلتش (فرمل في روايه ) لأنه سيارتي العزيزه تشربه شرب ماشاء الله عليها
و أعبي الإديتر مويه مشوار أبو ساعه أوقف فيه مرتين أعبي مويه أديتر ...... حال مزري و طفران الله يعين بس
ونرجع حق محور حديثنا >>يا شين السرج على البقر
و جلست أنتظر جدتي الغاليه في سيارتي الفياجرا الغماره (الغماره وهي ونيت يتسع لشخصين فقط هههههه )
المهم قول ركبت جدتي ..و أول ما ركبت قالت يا حونشي يوم إنك تنزل من البيت و إنت مخلي شاحن جوالك مشبوك في الفيش ليه >>> الحمد لله على العقل على بالها الشاحن يصرف كهرب الحمد لله جيت أفهما تقول أسكت يا الخسيس يا المسرف >> باقي تقول يا ....... بس الحمد لله مسكتها بحلقها
المهم جلست و حنا في الطريق شوف يدها تمدها على المسجل و تشغله و هاتك فضيحه جديده >> أخوكم يسمع كسرات
و جلست تنصح يا ولدي العزيز >> ما قد سمعتها إلا في الأفلام ...
حرام الأغاني و حرام البنات >>> البنات إيش دخل البنات في الإغاني لا حول الله .... ولكن بعد التفكير أتضح أن جدتي
تملك قدره خياليه في بعد النظر و يسمونها في الديره (تحزاها قبل تقع هههههه ) وذلك بما أننا في الرياض و في الصيف كمان يعني موسم تكاثر البنات في الأسواق ههههههه
وبداية من الموقف و كالعاده أقفل على أقرب سياره ...... عندي واسطه في المرور يمسح القسايم هههه
يوم وقفت ويجيك جيب يا رجل مليان لحم (لحم كلمه شايعه في المجتمع السعودي لوصف الجمال )
وبس شوف سعابيلي يوم تبدأ تقطر و أبدأ أفحط يا عالم حسيت إني شبه توم كروز يوم ناظرتني وحده منهم
والله يا عالم حسيت بشعور غريب يقال له الحب من أول نظره ..... على طول أنسدحت على الرصيف و طلعت القلم ودفتر الشعر و جلست أكتب قصيده ....... يا العيون الحلوه الجميله تناظرني و أنا فاغر >> تعبير ذا
ولا أدري إلا ومعكاز جدتي وسط رأسي والله يا عالم شفت جمال طايره من قوة الخبطه تلف على رأسي
ورحنا أنا وجدتي نشتري لها كرت (الكرت ما تلبسه الكهيل للتزين في الأعراس )
وتفجأت بأن الحاشي (البنت إلي طالعت فيني ) قد وجدتها في نفس المحل و معاها جدتها وتشتري لها كرت >> يا واد ما بتبطل هيامه وكذب
و أحسست بذلك الشعور مره أخرى يوم ناظرت فيني و أطلع القلم والدفتر و أنبطح في المحل على بطني و أجلس أكمل في القصيده
يا العيون الحلوه الجميله تناظرني و أنا فاغر
فاغر في جمال وربي أحلى من نانسي و هبي
جمالاً عن جمال ..... طرخ .................. صوت العكاز في راسي
و ثم نهضت من على الأرض و مسكت جدتي مع حلقها و قلت لها شوفي يا بنت الحلال أنا أدمي ماني برمه و لا مخمه كل شوي وعكازك لاصق في راسي << كل ذا فرد عضلات قدام البنت
بس كذا طالعت في البنت و قلت : ماني قوي ؟؟
وأسمع صوت واحد ما من عند المحل يقول يا هيئه يا هيئه ........... والليل ذا وقته لا حول
وبس يكبسون المطاوعه على كبسه أليمه الله أكبر عليهم إلي يضرب و إلي يقول يا غزلنجي المهم وأصيح عليهم وأقول يا الله يرحم أمك ما بقي إلا أرقم جدتي أنت ووجهك يمين تقول رقيه إلي في طاش مطاش ...
و سألها ذا ولد ولدك ؟؟
صارت عيون جدتي حمراء و ضحكت ضحكة نذاله و أجابة
لا والله يا ولدي ذا الداشر لقيته يعاكس ذي البنت .. (البنت الحلوه إلي خقيت عندها)
يا الليل و أسمع تهليل خذوه أمسكوه على القسم و أجلدوه ..............ذول العالم الدلوخ المجتمع المتخلف عندنا إذا شافوا شئ كلهم يتجمهروا >> والله حسيت كأن المنتخب فاز كلهم متجمهرين المهم خذوني على القسم حق الهيئه
و حطوني في التوقيف و كلهم يقولوا يا صايع يا ضايع
جدتي العزيزه رجعت البيت والله لو تحطها في القطب الجنوبي لترجع البيت ما تتوه (في روايه ما تضيع)
وما قلت لهم شئ عن إلي حصل
و نعود للمشهد وأنا في التوقيف
جاء المطوع يحقق معاي
خلصنا الروتين المتعاد أسمك عمرك و ومن وين وش نزلك السوق ليه أنت كذا مسوي الفارس المغوار تضرب حرمه قلت له يا أبن حلال والله إنها جدتي رحمه الله لا يرحمك يا سطل ... وبس طاح فيني كفوف يقول : قول أستغفر الله
المهم و أثناء ذلك الموقف العصيب أسمع بصوت ينادي من باب القسم يا شيخ هذا الشاب مظلوم
مظلوم معقوله جدتي جات ..... لا جدتي صوتها تقول صوت كنداسه (يعني من جد إذا أزعجني واحد على الجوال أخلي جدتي تكلمه ومن صوتها يبطل يتصل )
يعني مين يعني وتطلع الحاشي (البنت الحلوووه )>> فلم هندي ..... لا حول لله
الرئيسية 
التسجيل 
دخول 
الأربعاء أبريل 30, 2008 8:08 am