فى البدايه انطرحت مواضيع كتير وكيف انزيل الاحتلال
كانت معاهدة اوسلو ومؤتمر القمة ومعاهدات كتيرعلى عهد القادة العظماء
وكنا شعب واثق بنفسه رغم كل المحن وعارفين احنا شو بدنا
شو بدنا ومن اجل شو بنحارب
عشنا سنين وسنين على حلم واحد ومين فينا اكتر فى النضال يحقق
استشهدنا وناسرنا وتعذبنا ومازالت الحياة حياة
واليوم طالع عالبال يا شباب موال
بدنا نغنيه سوا يا اما مافى كبونات
صرنا نعيش حرب نفسية ومين فينا الاقوى
كانو امبارح بيمشو بجنب الحيطان
واليوم ماشين والله ياعم متل فرعون بالزمانات
قالو انتخبونا بنسد جوع سنين من الحرمان
والله وضحكو على هالشعب الغلبان
ويازيت يا زعتر ياما بلاش
قلنا والله منيح جنب رخص حجات كتير وبجنب رخص جرة الغاز
واليوم طالع على بالهم موال ياما نغنيه سوا يااما بلاش
الكل بيحارب صار على كرسى زنسيو الشعب الغلبان
ومين فيهم الزعيم صار الكرسى ولا الدولار
واحنا رحنا الضحية والمقابل بطاله وكيس طحين واسكت ياضمير يا عايش فينا مخنوق
وسكتنا ورضينا
ونضفو شباب متل الورد الشوارع بعرقهم الجوعان
والله وساكتي وراضين
بس الجديد اللى مابينسكت عليه
البنزين والسولار
لايمتى يا صمت ياعربى راح اضلك ميت او نايم او نعسان
تعبنا والله من مناشدتكم بس بنقول يمكن
هنيه ولا عباس
يحنو على هالشعب الغلبان
والله واحاميها حراميها
وكرسيها داير ورا الحيطان
الكل داق الزل والماشى ماشى بيدور على اللقمة من الخباز
طلاب جامعات ولا بطالات ولا الموظف الغلبان ولا ولا ولا
ولايمتى بدو يضل اللسان ساكت وما يقول كلمه حق
بيصنعو فينا الموت والله وبيصنعو فينا الحياة
برغيف خبز اليوم اشترينى وبكرة ياعالم مين اللى راح فينا يكون جوعان
ارحمو شعب بيموت كل يوم
ارحمو اللى كان ماشى امبارح فينا بشموخ وبعزة نفس
قتلتو فينا الكرامه
قتلتو فينا الكبرياء
قتلتو فينا الرحمة ومابقى غير الهم
ياناس حرام كفايه ارحمو عزيز قوم زل